Uffff CHOICES !!!!!!

Why is Life so complicated,, at every stage of our life we need to choose..
Why this dilemma never ends..

Pyaar ke lie dosti ko kurbaan karo, phir Gharwalon ki khushi ke lie pyaar ko..
Doston ki khushi ke lie kuch bhi karo, bhale hi aap usme khush ho na ho..
Ye sach hai ki koi hume force nahi karta ye karne ke lie,, phir bhi kyu ye asa bandhan hai ki na chahte huye bhi hum apni chahaton ka gala daba dete hain kyunki samne wale ki khushi hume apni khushi se zyada pyaari hoti hai..

Ye sahi hai ya galat nahi pata, bas itna janti hun ki kabhie iski khushi, kabhie uski khushi... In sab ke beech meri khushi kahan gum gayi,, mere sapne, meri khwahishen..
Kyu kisi ek ke saath rehne ke liye hamesha dusre ko chodna padta hai,, kya sab ek saath nahi reh sakte..

Ya phir meri theory hi galat hai, maine hmesha chaha ki sab khush rahein, jo meri dost hai, meri parwaah karte hain unko khush rakh pau.. Par nahi main asa nahi kar payi kyunki ek ki khushi ke lie mujhe dusre ki khushi ke sath samjahuta karna pada..

Who's wrong ????
Can anyone explain ya phir is baar bhi mujhe khud hi answer dhundhna hoga..

Phir ek baar..

Chalo aaj phir ek baar ye safar shuru se shuru karte hain,,
Bhool jate hain saare gile shikwe, or bas khushi ki dua karte hain,,

Tu sirf Tu...

Kyu tujhse dur hokar bhi, tere kareeb hone ka ehsaas hai is Dil mein,,
Kyu kuch ankahe ansune se jazbaat shaamil hai meri Dhadkan mein,,
Ye kaisa tere saaya hai jo meri Rooh mein aaj bhi samaya hai,,
Vo teri yaadein jo jaakar bhi nahi jaati,
Vo teri kahi hui kuch baatein jo aaj bhi aankhon mein muskaan hain bhar jaati,,
Wo gumnaami ka saaya jise chodkar tujhse mujhe pehchaan mili thi,
Vo doobti meri kashti jise teri hi sahaare se nayi jaan mili thi,,
Vo nazron mein basi khamoshi jise tere hi saath se zubaan mili thi,,
Vo har baat jise sunne ke lie tu har waqt mere saath tha,,
Vo har ek aansu jo girne se pehle hi tune tham lia tha,,
Us har ek pal jab sirf tu hi tu tha meri zindagi mein,,,


Aaj kahin gum se hain vo lamhe,, Teri yaad ke kuch panne bas aaj bhi sametee hain is Dil mein,, tu hain yahin ye ehsaas sa hota hai,, to kya hua ki tu nazron ke saamne nahi,, ankhen jo band karu mein to tu hi tu nazar aata hai...  !!!!!!!!!!

Koi to hai asa jo har rozz chup chup ke hume chahta hai,,
Humse milne ki ummeed lekar, roz un raaston pe jata hai,,
Uski mohabbat ko kis tarah samjh paungi main,,
Jo Hoton pe nafrat or Dil mein Pyaar lekar mere pass aata hai..!!

We will Win..!!!

Jab kuch bura hota hai,, to hum sab uske khilaaf ho jaate hain..
Sahi bhi hai, buri cheez ke khilaaf awaaz uthani chaiyee,,
Lekin bas hum ek cheez bhul jate hain,, awaaz uthane se insaaf to mil sakta hai, par duniya nahi badal sakti,,
islye waqt hai ki hum apne andar ke insaan ko jagaayee,,
Kehte hain ki Jagaane ke lie dhamaake ki zarurat hoti hai,,,
Lekin kya wakaayi, is dhamake ki gunj un kaano tak pahunch paayi hai jinko asal mein jagaane ki zarurat hai,, Shaayd nahi..
Islye to aaj bhi wahi cheezein dubara sareaam ho rahi hain or shaayad hoti rahhengi,,,
Islye hume Khud apne lie khada hona hoga,, bina kisi ki madad or shaare ke..
Sarkaar shayad sakht se sakht kannon bana bhi de is sab ke baad,, par kya ye kanoon use sach mein insaaf dila payenge jo is duniyaa se vidaa ho chuki hai..
Kya uske jaanee walon ki zindagi mein uski kami puri kar payenge,,
Nahi,, kAbhie nahi..
Han isse shayd hum jaisi tamaan ladkiyon ko kuch raahat zaroor milegi jo ab bhi is jang mein lad rahi hain un darindo ke khilaaf..
Main bas Yahi kehna chahti hun ki chahe jo bhi ho hume himmat nahi harni hai,,Or bhale hi ase log duniyaa mein shayad kabhie khatam na ho, lekin hume ladte rehna hai..
Khud ko itna shashaqt banana hai ki hum ase har jurm ke khilaaf awaaz utha sake or khud ko or apne aas pass ke logon ko surakshit rakh sakte..
islye khud ko mazbut banao..
OR AANE WALE HAR SAAL KE LIYE HAMARI YAHI EK KASAM HONI CHAIYEE KI HUM KABHIE GHUTNE NAHI TEKENGE KISI KE BHI SAAMNE OR APNE LIE KHUD LADNA SEEKHENGE...

ALL THE VERY BEST TO EVERY GIRL..
WE WILL WIN..